Декабрĕн 17-мĕшĕнче Раççей Президенчĕ Владимир Путин пресс-конференци ирттерчĕ. Коронавирус пандемине пула кăçал ăна видеоконференци мелĕпе йĕркеленĕ.

Раççейре пурăнакансем декабрĕн 6-мĕшĕнчен тытăнсах Владимир Путина ыйтусем панă. Çавăн пекех ятарласа хатĕрленĕ "Москва - Путину" приложени урлă та çитернĕ, ятарлă сайта та вырнаçтарнă. Граждансенчен килнĕ ыйтусене Пĕтĕм Раççейри Халăх фрончĕн волонтерĕсем тишкерсе йышăннă.

 Коронавирус пандемийĕ кăларса тăратнă чăрмавсем, иртсе пыракан çулталăка пĕтĕмлетесси, çĕршывăн социаллă пурнăçĕпе экономика аталанăвне тишкересси, малашлăх плансене палăртасси, коррупцие хирĕç кĕрешесси, вĕрентỹпе медицина аталанăвĕ, наука тытăмне пулăшасси, экологипе йăла каяшĕсен, çĕршывсен хушшинчи политика тата ытти тĕрлĕ самант - пресс-конференцин тĕп ыйтăвĕсен йышĕнче пулчĕç.

 А. ИВАНОВ