ПАЯН çĕршывра тĕп калаçу шутланакан коронавирус чирĕ çынсене урама, çын йышлă пулакан вырăна тухса çỹреме те хистемест. Каймалли пулсан - маскăна тăхăнма ан ман! Ун вырăнне вара тăватă ураллă туссем кунĕпе те, çĕрĕпе те урамсене сыхлама пултараççĕ. Йытăсене коронавирус ним тума та чармасть... Хальхи вăхăтра ялсенче ирĕкре çỹрекен анчăксем йышланса кайни пирки çынсем час-часах редакцие шăнкăралаççĕ. Инкек куçа курăнса килмест, паллах. Анчах йыттăн хỹри кукăр пулнине те манса каймалла мар. Вăл иртен-çỹрене инкек кăтартма та пултарать.