ПАТĂРЬЕЛĔНЧИ пĕрремĕш вăтам шкулта вун пĕрмĕш класра вĕренекен Дияз Тазюков вĕренỹ отличникĕ учительсене çеç мар, ашшĕ-амăшне те хăйĕн ăс-хакăл пултарулăхĕпе савăнтарсах тăрать. Вăл чылай олимпиада призерĕ. Çак кунсенче çеç шкула тепĕр ырă хыпар çитнĕ. Каччă ОБЖ предмечĕпе йĕркеленĕ республикăри олимпиадăра (ертỹçи Юрий Васюткин вĕрентекен) пĕрремĕш вырăн йышăннă. Выпускник пурнăç çулĕ çине тухма ирĕк паракан аттестата илнĕ хыççăн Санкт-Петербургри аслă шкула вĕренме кĕме, следователь пулма ĕмĕтленет. Диязăн пиччĕшĕ те çак аслă хуларах, Киров ячĕллĕ çар медицина академийĕнче пĕлỹ илет.