АНАТ Туçара çуралса ỹснĕ Юрий Анатольевич Перепелкин район тулашĕнче пурăнать пулин те ял историйĕ, аталанăвĕ, йăх-несĕл тымарĕ пирки тĕпчеме пăрахмасть. Çулне кура мар вĕсене пичетлесех пырать. "Из глубины веков" кĕнеки унăн "Ĕмĕртен ĕмĕре" ятпа пичетленекен кăларăм тăсăмĕ. Автор кун çути курнă виççĕмĕш кĕнекинче чăвашсем пулса кайнине, вĕсен чĕлхипе çырулăхне, çав вăхăтрах хăйсен йăх аталанăвне çырать. Тинтерех çеç пичетленсе тухнă кĕнекине Юрий Анатольевич "Авангард" хаçат редакцине алă пуссах парнелерĕ.