РАЙОНТИ тĕп больницăри инфекци уйрăмĕн заведующийĕ Антонина Чернова хаçат редакцине пĕлтернĕ тăрăх мартăн 2-мĕшĕ тĕлне сиплев учрежденине коронавирусран хỹтĕленмелли 810 доза вакцина кỹрсе килнĕ. Вĕсенчен 580-не усă курнă. Усал чирпе кĕрешес ĕç малалла та пырать. Прививка тутарас текенсен больницăна каймалла. Çавăн пекех 122 телефон номерĕпе тата Патшалăх пулăшăвĕсен порталĕ урлă та черете çырăнма пулать. Районти тĕп больницăри врач-инфекционист çак ĕçре çынсен ăнланулăхĕ пысăк пĕлтерĕшлĕ пулнине те çирĕплетрĕ. Уйрăмах 60 çултан аслăраххисен прививка тăвассинчен пăрăнмалла мар.