ПАТĂРЬЕЛ прокуратури 43 çулхи арçын ячĕпе йышăннă патшалăх айăплавĕпе килĕшнĕ. Ăна РФ УКăн 318 статйин 1 пайĕпе килĕшỹллĕн ĕçри тивĕçне пурнăçлакан власть представительне сывлăха сиен кỹмесĕр алă хунăшăн, пусахланăшăн айăплаççĕ. Суд çакна çирĕплетсе панă.

Арçын ỹсĕрле 2020 çулхи апрелĕн 7-мĕшĕнче РФ ШĔМĕн районсем хушшинчи "Батыревский" уйрăмĕн фойинче полици сотрудникне пуçĕпе янаххинчен тăрăнтарнă. Пуçтахăн уголовлă ĕçне пăхса тухнă хыççăн район сучĕ прокуратура айăплавĕпе килĕшнĕ, ăна 2 çуллăха çирĕп режимлă колоние яма йышăннă.