ЮХМАПА Пăла тăрăхĕнчи хисеплĕ ентешĕмĕр, Чăваш Ишекĕнче çуралса ỹснĕ Лев Кураков академике хисеп туса тата унăн пархатарлă ĕçĕсене ĕмĕр-ĕмĕр асра тытса вăл пирĕнтен уйрăлнă хыççăн Патăрьелĕнчи пĕр урама унăн ятне пама йышăнни пирки хаçат вулаканĕсене пĕлтернĕччĕ. Лев Пантелеймонович пирĕн районшăн çеç мар, республикăшăн та вăй-халне шеллемесĕр тăрăшнă хастар. Çывăх вăхăтра Шупашкарти пĕр урама та унăн ятне парас тĕллевлĕ. МИХ хатĕрĕсенче çырнă тăрăх, çакнашкал шухăшпа республикăри Ваттисен канашĕ хула ертỹçи патне çырупа тухасшăн.