Пĕтĕм Раççейри халăх çыравне халалланă "Эпĕ çырава ỹкеретĕп" ачасен ỹкерчĕкĕсен конкурсĕнче мартăн 15-мĕшĕнче strana2020ĕru сайтра халăх сасăлавĕ вĕçленчĕ.

Аса илтеретпĕр, пĕтĕмпе конкурса 81 регионтан 4031 ĕç ярса панă. 7-9 çулти ачасенчен - 2153 ỹкерчĕк, 10-12 çултисенчен - 1878.

Белгород облаçĕнчи çамрăк ỹнерçĕсем чи хастаррисем пулнă: вĕсенчен 664 ĕç çитнĕ.

Чи нумайăн хутшăннă 10 регион шутне çаксем кĕнĕ: Тутарстан Республики - 254 ĕç, Алтай Республики - 186, Санкт-Петербургпа Ленинград облаçĕ - 176, Пушкăрт Республики - 151, Мускав тата Мускав облаçĕ - 120, Омск облаçĕ - 119, Бурят Республики - 99, Свердловск облаçĕ - 97, Краснодар крайĕ - 84. Чăваш Республикинчен 76 ĕç ярса панă. Чи нумай сасă пухнă 187 ĕç финала тухнă. Вăл шутран, 7-9 çултисен 94 ĕçĕ, 10-12 çултисен - 93. Халĕ вĕсене ятарлă жюри пăхса тухать, мартăн 31-мĕшĕччен хак парать.

Финалистсен йышĕнче Чăваш Республикинчи пилĕк ача та пур. 7-9 çултисем хушшинче икĕ финалист - Настя Гринькина (52-мĕш номер) тата Лерунчик (62-мĕш номер). 10-12 çултисем виççĕн: Евгений (6-мĕш номер), Роман Захаров (39-мĕш номер), Таня Гордеева (73-мĕш номер).

Конкурса хутшăнакансене, уйрăмах финала тухнисене эпир пурне те тав тăватпăр. Ăнăçу сунатпăр! Çырава сăнланă пултарулăх та вăй-хал малашне те çĕнтерỹсем тума пулăшса пытăр.

Чăвашстат.