ЧĂВАШ Республикинчи ЗАГС органĕсен 2021 çулхи пĕрремĕш квартал итогĕпе çамрăк мăшăрсене çемье çавăрнă ятпа саламланă тĕслĕхсем иртнĕ çулхи çак вăхăтрипе танлаштарсан ỹснĕ, 1012 акт (2020 çулхи I кварталта 887) çырнă. Ку енĕпе яллă районсем хушшинче Патăрьел районĕ лидер шутланать. Районти Мăшăрлану керменĕн специалисчĕсем çулталăк пуçланнăранпа 38 каччăпа хĕре çемье çавăрнă ятпа саламланă.

Хальхи вăхăтра православи тĕн йăли-йĕркине тытса пыракансемшĕн майăн 2-мĕшĕччен Мăнкун умĕнхи аслă питĕ пырать. Çак тапхăрта туй-çуй, хаваслă уявсем ирттерме тăрăшмаççĕ. Çутă уява кĕтсе илнĕ хыççăн вара районти ЗАГС пайĕнче каллех çамрăк мăшăрсемшĕн çине-çинех Мендельсон маршĕ янăрĕ.