КОРОНАВИРУС чирĕ лăпланмасть-ха. Пандемипе çыхăннă санитарипе гигиена йĕркисене, обществăлла вырăнта дистанцие пăхăнмаллине малашне те пурнăçлама тивет. Ку тĕлĕшпе районта кашни кунах мобильлĕ бригадăсем суту-илỹ магазинĕсенче, обществăлла апатлану предприятийĕсенче пулаççĕ, Роспотребнадзор ыйтакан йĕркесене пăхăннине тĕрĕслеççĕ. Апрелĕн 13-мĕшĕнче çеç ятарлă бригадăсем 13 суту-илỹ точкине тĕрĕсленĕ, çитменлĕхсем пуррисене асăрхаттарса хăварнă.

Аса илтеретпĕр: районта коронавирус чирĕнчен сыхланас тĕлĕшпе прививка тăвас ĕç маллалла пырать. Ĕнерхи кун тĕлне 1229 гражданина прививка тунă, вĕсенчен 795-шĕ иккĕмĕш хут та чирпе кĕрешес тĕллевпе вакцина яртарнă. Çакна та палăртмалла. Юлашки вăхăтра вакцинациленес текенсем те йышлă.