Раççей Президенчĕ Владимир Путин Юрий Гагарин «Восток-1» караппа пĕрремĕш хут тĕнче уçлăхне парăнтарма хатĕрленнĕ чухне каланă «Кедр» чĕнỹ сăмахне (позывной) асра тытса Космонавтика кунĕнче Саратов облаçĕнчи Энгельск районĕнче летчик-космонавтсене халалланă Юрий Гагарин ячĕпе хисепленекен паркра пулнă май кедр лартнă.

 Лăсăллă йывăçăн хунавне вара Чăваш Енре çитĕнтернĕ. Кун пирки хаçат редакцине Раççейри сад ăстисен пĕрлĕхĕн Чăваш регионĕнчи уйрăмĕн председателĕ Юрий Соколов (ỹкерчĕкре сулахайри) пĕлтерчĕ. Юрий Анатольевич- пирĕн район çынни, Кĕçĕн Патăрьел чăвашĕ.

Çак кунхинех Чăваш Республикин Пуçлăхĕ Олег Николаев та СССР летчик-космонавчĕ, икĕ хутчен Совет Союзĕн Геройĕ, авиацин генерал-майорĕ Андриян Николаев çуралнă ялта - Шуршăлти паркра - тепĕр кедр йывăçне лартса хăварнă

А. НИКОЛАЕВА