ЯЛ ТĂРĂХĔСЕНЧИ тĕп специалист-экспертсем вырăнти халăхăн тĕрлĕрен ыйтăвне таса пама, кирлĕ документсене хатĕрлеме, налуксене пуçтарма тата ыттипе те пулăшаççĕ. Çавăнпа та вĕсем анлă тавра курăмлă тата пуян опытлă пулни ĕçе кал-кал йĕркелеме май парать.

 Юхмапа Пăла тăрăхĕнче муниципалитет службинче нумай çул тăрăшса ял халăхĕнчен хисеп çĕнсе илнĕ хастарсем çук мар. Акă, Тăрăн ял тăрăхĕнчи Надежда Тихонова тĕп специалист-эксперт хăй тытăмлăх органĕнче ĕçлеме пикенни 35 çул иртнĕ. Вăл темиçе çул каялла республикăра «Чи лайăх муниципаллă служащи» хисеплĕ ята та тивĕçнĕ.Туçа ял тăрăхĕнчи Людмила Кошкинан вара ĕç опычĕ тата пысăкрах. Поселени специалисчĕ çак ĕçре пĕр улшăнмасăр 40 çул тăрăшать.