УСАЛ чиртен е йăларан сывалма мар, асăрханма ансатрах. Шел пулин те, организма питĕ вăйлă витĕм кỹрекен наркотик серепине çакланса шар куракансем çĕршывра сахал мар. «Дети России-2021» профилактика операцине шăпах çитĕнекен çамрăк ăрăва наркотик сиенĕ пирки асăрхаттарас, вĕсене сывă пурнăç çеç малашнехи çулĕсене уçма пултарнине ăнлантарас тĕллевпе йĕркеленĕ. РФ ШĔМĕн районсем хушшинчи «Батыревский» уйрăмĕн çул çитмен ачасемпе ĕçлекен пай начальникĕ А. Каргина пĕлтернĕ тăрăх, полици сотрудникĕсем операцие хутшăнса кашни шкулах çитме тăрăшаççĕ, ачасемпе калаçусем ирттереççĕ.