ÇУТ çанталăкăн кашни тапхăрĕнчех асăрханмалли, тимлĕ пулмалли самантсем пур. Ăшă та хĕвеллĕ çу кунĕсем те савăнăçпа киленỹсĕр пуçне инкек-синкек те илсе килме пултараççĕ. Çанталăк ăшăтса пынă май уйрăмах шăпăрлансем урамалла туртăнаççĕ, кантăк çине хăпарса урамри пулăма пăхма, иртен-çỹрене сăнама кăмăллаççĕ. Çак вăхăтра шăпах асăрханмасăр тул еннелле тухса ỹкесси, инкек курасси те çавăнтах. РФ ШĔМĕн районсем хушшинчи «Батыревский» уйрăмĕн çул çитмен ачасемпе тимлекен пай пуçлăхĕ Алина Каргина ашшĕ-амăшне, аслисене кун пирки тепĕр хут аса илтерет: уçă чỹрече ачасемшĕн инкек сăлтавĕ ан пултăр! Вĕсене пĕччен килте ан хăварăр!