Шкул ачисен спартакиадипе килĕшỹллĕн ачасемпе çамрăксен спорт шкулĕпе «Паттăр» ФСКара сĕтел çинче теннисла выляс енĕпе ăмăрту иртнĕ. Унта вăтам тата пĕтĕмĕшле тĕп пĕлỹ паракан вĕренỹ учрежденийĕсенчи 12 команда хутшăннă. Тупăшăва явăçакансене «Паттăр» ФСК директорĕ Алексей Краснов, теннис вăййин районти федерацийĕн председателĕ Алексей Мулюков саламланă.

 Аслисем хушшинче Тутар Сăкăтĕнчи вăтам шкулта вĕренекенсем çĕнтернĕ. Иккĕмĕш вырăна Туçари, виççĕмĕшне Пăлапуç Пашьелĕнчи вăтам шкулсенче пĕлỹ пухакансем тухнă.

 Кĕçĕн ушкăнра Нăрваш Шăхалĕнчи вăтам шкул команди палăрнă. Иккĕмĕшĕнче - Алманчăри, виççĕмĕш вырăнта - Кивĕ Ахпỹртри пĕтĕмĕшле тĕп пĕлỹ паракан шкулсенче вĕренекенсем.

Харкам хăйшĕн выляссипе хĕрсенчен Туçари вăтам шкулти Валерия Шашкина пĕрремĕш, Нăрваш Шăхалĕнич Кристина Исаева иккĕмĕш, Пăлапуç Пашьелĕнчи Анастасия Соколова виççĕмĕш вырăнсене тухнă.

Каччăсенчен Пăлапуç Пашье- лĕнчи вăтам шкулта вĕренекен Александр Шайманов пĕрремĕш, Даниил Павлов (Тутар Сăкăтĕнчи вăтам шкул) иккĕмĕш, Николай Лаврентьев (Нăрваш Шăхалĕнчи вăтам шкул) виççĕмĕш вырăнсенче. Çĕнтерỹçĕсемпе призерсем дипломсемпе медальсене тивĕçнĕ.

 А. ПЛАТОНОВ