Майăн 23-мĕшĕнче Патăрьелĕнчи Росгварди сотрудникĕсем патруль вăхăтĕнче район центрĕнчи аслă çулпа çăмăл автомашина унталла та кунталла пăркаланса пынине асăрханă. Çавна май вăл ытти водительсемшĕн хăрушлăх кăларса тăратнă.

Росгварди сотрудникĕсем çакăн пирки çийĕнчех çул-йĕрпе патруль службине пĕлтернĕ, хăйсем ун хыççăн пынă. Юлашкинчен унăн çулне йĕрке хуралăн сотрудникĕсен пулăшăвĕпе пỹлсе хунă, ĕçе малалла шалти ĕçсен министерствин сотрудникĕсене панă.

Медицина тĕрĕслевĕ 55 çулхи арçын хĕрĕнкĕ пулнине çирĕплетнĕ. Çак ĕçе малалла тĕрĕслеççĕ.

 А. ЦЫГАНОВ, Росгварди управленийĕн Чăваш Республикинчи пресс-служин яваплă исполнителĕ.