Ял çыннисем пысăк ĕçсене мĕн авалтанах пĕрле пуçтарăнса пурнăçланă. Ниме йăла-йĕрки халĕ те пĕлтерĕшлĕ-ха. Çурт хăпартмалли-и, вăрман кăлармалла-и, çул юсамалла-и - хăш-пĕр çĕрте ялĕпех пуçтарăнаççĕ. Уйрăмах пĕчĕк ялсенче туслăх туйăмĕ пысăккине палăртмалла. Шел пулин те çак ырă туртăм вара юлашки çулсенче манăçа туха пуçларĕ. Пĕтĕмпех укçапа хаклама тытăнтăмăр.

Сирĕн ялта ниме сыхланса юлнă-и? Пурте пĕрле пухăнса мĕн пурнăçлама май килчĕ? Çырса е шăнкăравласа хаçат редакцине пĕлтерĕр. Эпир сирĕн ырă ĕçĕрпе район халăхне паллаштарăпăр.