Наукăпа техника куравĕ

 Атăл леш енчи "Буревестник" кану базинче "Çамрăксен наукăпа техника пултарулăхĕн" куравне йĕркеленĕ. Вăл "Çамрăксен хули-2021" форумпа килĕшỹллĕн иртнĕ. Унта ЧР вĕрентỹ министрĕ Алла Салаева, И.Н. Ульянов ячĕллĕ универститетăн ректорĕ Андрей Александров, ЧР вĕренỹ институчĕн ректорĕ Юрий Исаев хутшăннă. куравăн тĕп тĕллевĕ - федерацин Атăлçи округĕнче вырнаçнă регионсенчи çамрăксен инновациллĕ наукăпа техника пултарулăхне хавхалантарасси. Ун хыççăн "Чăваш Республикинчи студентсен "Иволга-2021" çамрăксен форумне хутшăнмалли малашлăхĕ" çавра сĕтел иртнĕ.

Республика кунне хатĕрленсе

Июнĕн 24-мĕшĕнче Республика кунне паллă тăватпăр. Ăна халалласа Шупашкарта тата Çĕмĕрле районĕнче, çавăн пекех ытти районсенче те тĕрлĕ мероприяти иртĕ. Тĕрлĕ регионта пурăнакан чăвашсен пултарулăх ушкăнĕсем Пĕтĕм чăваш Акатуйне пуçтарăнĕç. Юрă-кĕвĕ, спортпа наци культурин уявĕ "Амазони" паркра иртĕ. Хĕрлĕ тỹремре ача-пăча Акатуйне ирттерме палăртнă.

Кăтартусем лайăхланнă

 Кăçалхи пилĕк уйăхра республикăра промышленность, ял хуçалăх производствин, çурт-йĕр хута ярассин кăтартăвĕсем лайăхланнă. Çакăн пирки ЧР экономика аталанăвĕн министрĕ Дмитрий Краснов республикăри январь-май уйăхĕсенчи социаллă пурнăçпа экономика аталанăвĕпе паллаштарнă май пĕлтернĕ.

Суйлав кунне палăртнă

Чăваш Республикин Патшалăх Канашĕн сессийĕнче ЧР Патшалăх Канашĕн депутачĕсене хăçан суйлассине палăртнă. Федераци саккунĕнче палăртнă тăрăх ЧР Патшалăх Канашĕн депутачĕсене уйăхăн виççĕмĕш вырсарникунĕнче суйламалла. Чăваш парламенчĕн депутачĕсен полномочийĕ Патшалăх Думине депутатсене суйламалли çул вĕçленет. Апла пулсан РФ Патшалăх Думине тата республикăн Патшалăх Канашне депутатсене пĕр кунта - сентябрĕн 19-мĕшĕнче - суйлĕç.

Акцие хутшăнар

 Июнĕн 22-мĕшĕ - Раççейре Асăнупа хурлăх кунĕ. Тăван çĕршывăн Аслă вăрçинче пуç хунисене асăнса патшалăх ялавĕсене антарĕç, радиопа тата телекуравпа хаваслă кăларăмсем сахалрах пулĕç. Çак кун Пĕтĕм Раççейри "Астăвăм çурти" акци иртет. Вăл кăçал та, пĕлтĕрхи пекех онлайн форматпа пулĕЭппин, кашниех день памяти.рф сайта кĕрсе виртуаллă çурта çутса акцие хутшăнма пултарать.

"Çамрăк мăшăрсен сертификачĕ"

Шупашкарти Президент перинаталь центрĕ унпа усă курма чĕнет. "Сывлăх сыхлавĕ" наци проекчĕпе килĕшỹллĕн çемье чăмăртанисем сывлăхне тỹлевсĕр тĕрĕслеттерме пултараççĕ. Мăшăрланнăранпа çулталăк çитиччен тухтăрсем патĕнче тỹлевсĕр тĕрĕсленме май пур.

Кантăр упранăшăн

Шупашкарта пурăнакан 30 çулти хĕрарăма наркотик упранăшăн айăпланă. Вăл пĕлтĕр хăйĕн килĕнче кантăр ỹстернĕ, вăррине вара тĕнче тетелĕ урлă туяннă. Наркотик хутăшне вăл сутма хатĕрлемен. Ỹссе çитсен кантăра типĕтнĕ, упранă. Кайран ăна полицейскисем тупнă. Пĕтĕмпе 104 грамм пулнă. Суд хĕрарăма тĕрмене хупмасăр виçĕ çуллăха айăпланă.