ХАЛЬХИ вăхăтра çыннăн сывлăхне хавшатакан коронавирус чирĕ малалла ан сарăлтăр тесе вакцинациленес ыйту çĕршыв шайĕнче çивĕч тăрать. Хăрушлăха сирес тĕллевпе районта та мĕн пур майпа усă кураççĕ, мобильлĕ ушкăнсем обществăлла вырăнсенче санитари йĕркине пăхăннине тĕрĕслеççĕ, районти халăха социаллă хỹтлĕх кỹрекен центр работникĕсем тăтăшах ваттисем хушшинче пулса вакцинацин уссине ăнлантараççĕ тата ытти те. Ку ыйтупа районти пенсионерсен пĕрлĕхĕ те айккинче тăмасть. Çак кунсенче çеç Пенсионерсен канашĕн председателĕ Полина Логунова Тăрăн ял тăрăхĕнче тивĕçлĕ канăва тухнă ватăсемпе тĕл пулса чиртен вакцина яртарса хỹтĕленни çеç малашне шанчăкпа та сывлăхпа пурăнма май панине ăнлантарнă.