Районти мĕнпур ял хуçалăх предприятийĕпе фермер хуçалăхĕ те вырмана тухнă. Паянхи кун 50а яхăн комбайн хирте ĕçлет. Пĕрчĕллĕ тата пăрçа йышши культурăсене 2197 гектар пухса çапнă. Вăтам тухăç - гектартан 22,7 центнер. Вырма ĕçĕсем "Исток", "Корма", "Батыревский", "Красное знамя", "Труд" хуçалăхсенче ăнăçлă пыраççĕ. Чи пысăк тухăç Алманчăри Н. Федоров фермер хуçалăхĕнче. Кунта пĕрчĕллĕ культурăсен тухăçĕ хальлĕхе гектартан 30 центнер тухать. Хуçалăхсенче сухан-севока кăларас ĕç малалла пырать. Ĕнерхи кун тĕлне ăна 53 процент пурнăçланă. Районĕпе ĕне-выльăх валли хĕл каçма 9608 тонна апат, кашни условнăй выльăх пуçне 16, 6 центнер апат единици хатĕрленĕ. Кĕрхи культурăсене акма 864 гектар çĕр хатĕрленĕ.