"Эффективлă регион" проектпа килĕшỹллĕн Чăваш Енри патшалăх власть çумĕнчи организацисенче тата вĕсен çумĕнчи организацисенче 2021-2022 çулсенче перекетлĕ технологисене ĕçе кĕртĕç. ЧР Пуçлăхĕн Олег Николаевăн хушăвĕпе ку енĕпе 53 проекта çирĕплетнĕ. Экономика аталанăвĕн министерствинчен пĕлтернĕ тăрăх, вĕсенчен 29-шне пурнăçа кĕртме тытăннă. Право Происшествия Çамрăкла хăнăхтармалла Çакăн пек тĕллев лартнă Чăваш Ен Пуçлăхĕ Олег Николаев коррупципе кĕрешес ĕç-хĕле йĕркелесе пыракан республикăри комиссин черетлĕ ларăвĕнче. Вăл вăтам пĕлỹ паракан заведенисенчи аслă классенче вĕренỹ программине коррупцие сивлеме хăнăхтармалли факультативсене кĕртме сĕннĕ. Олег Алексеевич аслă шкулсенче те коррупцие хирĕçле мероприятисене тăтăшах йĕркелеме, вĕсене право хуралĕн органĕсен представителĕсене ытларах явăçтарма, студентсем коррупцие мĕнлерех сивленине пĕлме ятарлă ыйтăм йĕркелеме сĕннĕ. Общество Борьба с преступностью Пĕр чĕлхе тупма пулăшаççĕ Чăваш Республикин Ĕçлев министерствинчен пĕлтернĕ тăрăх, Пĕтĕм Раççейри ача-пăча шанăç телефонĕпе июлĕн 14-20-мĕшĕсенче 107 çын усă курнă. Чылай чухне вĕсем çемьери ăнланманлăхпа çыхăннă ыйтусемпе шăнкăравлаççĕ. Шанăç телефонĕпе шăнкăравлакан ачасене специалистсем аслисемпе пĕр чĕлхе тупма, ытти ыйтăва татса пама пулăшаççĕ. Аса илтеретпĕр: 8-800-2000-122 номерпе кирек кам та шăнкăравласа канăçсăрлантаракан ĕç-пуç пирки каласа кăтартма, сĕнỹ-канаш ыйтма пултарать.