Патăрьелĕнчи "Паттăр" физкультурăпа спорт комплексĕнче "Районти чи лайăх халăх дружинникĕ" конкурс иртрĕ. Обществăлла йĕркелĕхе сыхлас тĕлĕшпе тимлекен хастарсен пултарулăхне виçĕ енĕпе хакларĕç: право ыйтăвĕсене мĕнле пĕлни, физкультура, васкавлă пулăшу хатĕрленĕвĕсем. Халăх дружинникĕсем хушшинчи тупăшура Тутар Сăкăтĕнчи Фанис Ахметов чи нумай балл пуçтарса çĕнтерчĕ. Октябрь уйăхĕнче унăн район чысне республикăра хỹтĕлеме тивĕ. Юхмапа Пăла тăрăхĕнчи чи лайăх халăх дружинникне палăртакан тупăшăва район администрацийĕн пуçлăхĕн пĕрремĕш çумĕ - финанс пайĕн пуçлăхĕ Светлана Чернова хутшăнчĕ, районти обществăлла йĕркелĕхе сыхлас ĕçре халăх дружинникĕсен хăйсен тивĕçне тата ытларах вăйлатмаллине çивĕчлетрĕ.

А. НИКОЛАЕВА