Июлĕн 28-мĕшĕнче Чăваш Республикин физкультурăпа спорт министрĕн пĕрремĕш çумĕ Татьяна Рябинина Юхмапа Пăла тăрăхĕнче ĕçлĕ çул çÿревпе пулнă май район администрацийĕн пуçлăхĕпе Рудольф Селивановпа пĕрле çĕнĕрен çĕкленекен тата юсав ĕçĕсем пыракан спорт объекчĕсенчи лару-тăрупа паллашнă, вырăнти хастарсемпе тĕл пулнă.

Кăçал Тăрăн ял тăрăхĕнчи Треньелĕнче «Демографи» наци проекчĕн регионти «Спорт – пурнăç норми» проекчĕпе килĕшÿллĕн уçă вырăнта физкультурăпа сывлăха çирĕплетекен комплекс (ФОКОТ) тума палăртнă. 1800 çын пурăнакан ял тăрăхĕнчи футбол команди валли тренировкăсем ирттерме вырăн кирлех.

Халĕ кунти лапамра ĕçсем пуçланнă. Объект подрядчикĕ – «Стройкомфорт»  тулли мар яваплă пĕрлешÿ.

Çавăн пекех Кĕçĕн Патăрьелĕнчи «Олимп» стадионти =уртма газпа çыхăнтармалла, шывпа хутса ăшăтмалли системăна ĕçе кĕртмелле.

Патăрьелĕнчи «Паттăр» стадионта ГТО нормисене пурнăçлакансем валли ятарлă вырăн хатĕрленĕ. Унта тĕрлĕ оборудовани вырнаçтарнă.

Рудольф Селиванов Шупашкар хăнине кĕскен районта спорт инфратытăмне аталантарас тĕлĕшпе туса пыракан ĕçсемпе тата Юхмапа Пăла тăрăхĕнчи спортсменсен çитĕнĕвĕсемпе паллаштарнă.

А. Иванов