Районти пушар надзорĕн сотрудникĕсем тăтăшах Юхмапа Пăла тăрăхĕнчи ялсене тухса çỹреççĕ. Вĕсем нумай ачаллă çемьесемпе, пĕччен пурăнакан ватăсемпе тĕл пулаççĕ, пушар хăрушсăрлăхне пăхăнмалли йĕркесемпе паллаштараççĕ. Кăçалхи çу кунĕсем шăрăх та типĕ тăнине пула уйрăмах вăрмансенче асăрхануллă пулмалла. Унта кăвайт чĕртме, хăвăрт хыпса илекен япаласене пăрахса хăварма юрамасть. Çурт таврашĕнче çỹп-çап çунтарни, çул çитмен ачасене килте хăйсем тĕллĕн пăрахса хăварни те пысăк хăрушлăхпах çыхăннă.

А. НИКОЛАЕВА