Улатӑрта хула кунне палӑртмасан та пултараççĕ

Çапла палăртнă ЧР Правительство çуртĕнче иртнĕ оперштабăн черетлĕ ларăвĕнче. Сӑлтавĕ – коронавирус инфекцийě сарăлас енěпе лару-тăру çивěчленнинче те. Çавăн пекех Улатăрта халăха ковидран вакцинацилес енĕпе те начар ĕçлеççĕ-мĕн. Улатӑр, Вăрмар, Элĕк районĕсем республикăра кая юлса пыраççĕ. Ларура палăртнă тăрӑх, регионта чирлекенсем çав-çавах нумайӑн. "Кĕçех ачасем шкула каймалли вăхăт, суйлав çывхарать. Маска тăхăнса çÿремелли йĕркене вăйлатмалла. Вакцинаци тăвас ĕçе те хастарлатмалла. Халăхпа тĕл пулса ăнлантару ěçěсем ирттермелле. Ковидпа чирлесе ирттернисем, прививка тутарнисем ытларах каласа паччăр хăйсем çинчен. Ялсене тухтăрсем вакцинаци тума килсен халăх йышлă пуçтарăнтăр", - тенĕ Чёваш Ен Пу=лёх. Олег Николаев.

Туризма аталантарас тěллевпе

Çак кунсенче Чăваш Ен Пуçлăхě Олег Николаев республикăри туризм аталанăвěн концепцине алă пусса çирěплетнě. Документ отрасль çитес 10 çул хушшинче мěнле çěнелсе пынине кăтартмалла. 2030 çул тěлне Чăваш Енěн Наци туризм рейтингěн 1-мěш 20 вырăн йышăнакан регионсен шутне кěмелле. Çапла туризм отраслěпе çыхăннă 24 пин ěç вырăнě уçса пěтěмěшле регионăн продуктěнчи туризм пайне 30 хутчен ÿстермелле.

Çěнě конкурс

Чăваш Ен Пуçлăхě Олег Николаев професси ăсталăхěн «PRофи-21» республикăри конкурсě çинчен калакан хушăва алă пуснă. Ку конкурс пěрремěш хут иртě. Унта ěç тăвакан власть тата вырăнти хăй тытăмлăх органěсен пресс-секретарěсем, предприятисемпе организацисенчи обществăпа çыхăнса ěçлекен специалисчěсем хутшăнěç. Ăна кашни çул ирттерме палăртнă.

Маммографсем йышăнаççě

«Сывлăх сыхлавě» наци проекчěпе килěшÿллěн рентгенологипе маммологин куçса çÿрекен комплексěсем республикăри районсене тухса çÿреççě. Кăçалхи ултă уйăхра тухса çÿрекен маммографсем 127 вырăна çитсе 4968 хěрарăма йышăннă. Тěрěслев витěр 40 çултан иртнě кашни хěрарăм икě çулта пěр хут тухма пултарать. Специалист патне вырăнти фельдшерсем, пěтěмěшле практика е участок тухтăрěсем урлă çырăнма пулать.

Республика тулашěнче ěçлеççě

Чăваш Енре пурăнакансенчен пěр пайӗ республика тулашěнче ěçлени вăрттăнлăх мар ěнтě. Çакăн сăлтавě темиçе те. Пěрремěшěнчен, ялсенче ěç тупма йывăр, иккěмěшěнчен, шалу шайě тивěçтермест. Официаллă статистика кăтартăвěсем тăрăх, çулталăк пуçланнăранпа  июлěн 28-мěшě тěлне республика тулашне 643 çын ěçе вырнаçнă, çав шутра 220 çынна Шупашкарти ěçпе тивěçтерекен центр урлă республика тулашне ěçе вырнаçтарнă. Ют регионсенче çынсене ытларах чухне сезон вăхăтěнче е вăхăтлăха, çавăн пекех вахта мелěпе ěç сěнеççě. Чылай организаци Мускавпа Мускав облаçěнче, Тутарстанра, Чулхулара тата Мордва Республикинче вырнаçнă.

Наркотик туяннăшăн

РФ СКн Чăваш Енри следстви органěсем Шупашкарта пурăнакан 17-ри яш тěлěшпе пуçарнă уголовлă ěçе тишкерсе пěтернě. Ăна пысăк виçепе наркотик туяннăшăн, упранăшăн айăплаççě. Следстви версийě тăрăх кăçалхи май уйăхěн 11-мěшěнче каччă интернет урлă 1,03 грамм наркотик туяннă. Ăна, пěр çурт подъездěнче вăрттăн вырăнта пытарнăскере, илме кайнă. Çамрăка тÿрех ярса тытнă.