Августăн 1-мĕшĕ. Çак кун 1770 çулта Кагул çывăхĕнче вырăс çарĕ турккăсен çарне çĕнтернĕ.

Августăн 1-мĕшĕ. Çак кун 1914 çулта Германи Раççей çĕршывне вăрçăпа тухни пирки пĕлтернĕ.

Августăн 2-мĕшĕ. Çак кун 1572 çулта Хаяр Иван (Иван Грознăй) патшан полководечĕсем Воротынскипе Хворостинин йышпа икĕ хут ытларах Крым ханĕн çарне çапса аркатнă.

 Августăн 6-мĕшĕ. Çак кун 1915 çулта Осовец крепость хÿтĕлевçисем нимĕç салтакĕсене хăваласа янă. Çак пулăм «Вилнисен тапăнăвĕ» ятпа çырăнса юлнă.

Августăн 9-мĕшĕ. Çак кун 1714 çулта I Петĕр патша ертсе пынипе вырăс флочĕ пĕрремĕш хут шведсене çĕнтернĕ.

Августăн 12-мĕшĕ. Çак кун 1759 çулта Салтыков ертсе пынипе вырăс çарĕ Прусси çарне Кунерсдорф çывăхĕнче çапса аркатнă. II Фридрих çарĕ веçех пĕтнĕ. Хăй чутах тыткăна лекмен. Çак çапăçу хыççăн вырăссем Берлина кĕнĕ.

Августăн 15-мĕшĕ. Çак кун 1799 çулта Суворов ертсе пынипе вырăс çарĕ  французсене Нов çывăхĕнче çĕнтернĕ: 7 пин француз вăрçă хирĕнче выртса юлнă, 3 пинĕ тыткăна лекнĕ.

Августăн 20-мĕшĕ. Çак кун 1914 çулта вырăс çарĕсем Гумбиннен çапăçăвĕнче Германи  çарне çĕнтернĕ.

Августăн 23-мĕшĕ. Çак кун 1943 çулта 50 куна тăсăлнă Курск пĕкки çапăçăвĕ вĕçленнĕ, Харьков хулине нимĕçсенчен хăтарнă. Тăшман 500 пин салтак, 1500 танк, 3700 самолет çухатнă. Курск çывăхĕнчи çĕнтерÿ калама  çук пысăк вырăн йышăннă.