Чăваш Республикин Пуçлăхĕн 2021 çулхи июлĕн 29-мĕшĕнче кăларнă 346-рг хушăвĕпе килĕшỹллĕн шкул ачисем хушшинче чăваш чĕлхипе тата литературипе, тутар чĕлхипе тата литературипе, мордва чĕлхипе тата литературипе Пĕтĕм тĕнчери олимпиадисен çĕнтерỹçисемпе призерĕсене хатĕрленĕшĕн 19 вĕрентекене укçан хавхалантарма йышăннă. Вĕсем хушшинче пирĕн район педагогĕсем те пур. Пăлапуç Пашьелĕнчи вăтам шкул вĕрентекенĕ Светлана Петровна Никитина, Нăрваш Шăхалĕнчи вăтам шкул вĕрентекенĕ Нина Ивановна Павлова, Шăнкăртамри 1-мĕш вăтам шкул вĕрентекенĕ Гельсирень Гадельзяновна Абейдуллова, Тутар Сăкăтĕнчи вăтам шкул вĕрентекенĕ Гелназ Рафаилловна Велиуллова, Ыхра Çырминчи вăтам шкул вĕрентекенĕ Зелфира Шейхулловна Тазетдинова 100-шер пин тенкĕ, Патăрьелĕнчи 1-мĕш вăтам шкул вĕрентекенĕсем - Наталия Алексеевна Путякова 50 пин, Светлана Алексеевна Солдатова 25 пин тенкĕ укçана тивĕçнĕ.