Районти ял хуçалăх предприятийĕсемпе фермер хуçалăхĕсенче вырма ĕçĕсем малалла пыраççĕ. 9353 гектар тырпула пухса çапнă. 21553 тонна çĕнĕ тухăçа йĕтеме кĕртнĕ. Кашни гектартан тухăç 23 центнерпа танлашать. Кĕрхи культурăсене пухса çапассине вĕçленĕ. Уй-хирте 63 комбайн ĕçлет. Вырма ĕçĕсем "Исток" çĕр ĕç фирминче (84 процент пухса çапнă), "Корма" пĕрлешỹре (74 процент), "Батыревский" хупă акционерсен пĕрлешĕвĕнче (72 процент) ăнăçлă пыраççĕ. Тыр-пул тухăçĕ те пуринче те пĕрешкел мар. "Авангард" филиалăн "Батыревский бекон" пĕрлешỹре гектартан 30-шар центнер, "Красное Знамя" кооперативра - 27-шер центнер, "Батыревский" пĕрлешỹре 25-шер центнер тухать хальлĕхе. Хресчен фермер хуçалăхĕсенчен Н.Федоровăн кăтартăвĕ пысăк: гектартан 30-шар центнер тухать. 450 гектар сухан севока пухса кĕртнĕ (80 процент).