Çак кунсенче "Хула хăтлăхĕпе тивĕçтерес" федераци программипе килĕшỹллĕн 2022 çулта Патăрьелĕнчи Кепе юхан шыв таврашне хăтлăх кĕртме палăртнă дизайн-проектне халăхпа сỹтсе явнă. Мероприятие Чăваш Республикин тĕп архитекторĕ Алена Протосевич, "Чăваш Республикинче хула хăтлăхĕпе тивĕçтерес" регион проекчĕн координаторĕ Изольда Ненилина, район администрацийĕн пуçлăхĕн çумĕ Равиль Ямалетдинов, Патăрьел ял администрацийĕн пуçлăхĕ Николай Ялуков, Патăрьел ял тăрăхĕн депутачĕсем, ял çыннисем хутшăннă. 2021 çулхи апрелĕн 26 - майăн 30-мĕшĕсенче çитес çул хăтлăх кỹме палăртнă общество территорийĕсене палăртас тĕллевпе йĕркеленĕ онлайн сасăлавра çак проектшăн 4252 çын сасăланă. Дизайн-проекта сỹтсе явакансем Кепе юханшыв таврашне хăтлăх кĕртни питех те вырăнлă пулнине палăртнă.

(Хамăр корр.)