Вырăн-вырăнпа çумăр çукаласа каять пулин те çитĕнтернĕ тыр-пула пухса кĕртес ĕç чарăнмасть. Районти ял хуçалăх предприятийĕсемпе фермер хуçалăхĕсенче 11595 гектар (çитĕнтернĕ тыр-пулăн 64,1 процентне) пухса çапнă. 26026 тонна çĕнĕ тухăçа йĕтеме кĕртнĕ. Кашни гектар тухăçĕ 22,4 центнерпа танлашать. Урпа гектар пуçне 23,8 центнер кĕрет. "Корма" çĕр ĕç фирмин ĕçченĕсем уяр çанталăкпа туллин усă курма тăрăшаççĕ (ỹкерчĕкре). 48 гектар пăрçа çулнă. Ăна пухса çапма пуçланă. Вăл гектартан 16 центнер тухăç парать. Август уйăхĕнче ĕç калăпăшĕ пĕчĕк мар. Сухан-севока пухса кĕртеççĕ. Тухăçĕ гектартан 101,4 центнер тухса пырать. 9655 тонна утă (планпа палăртнин 93,6 проценчĕ чухлĕ), 20057 тонна сенаж (94,3 процент) е кашни условнăй выльăх пуçне 17,9 центнер апат единици хатĕрленĕ. Кĕрхи культурăсем акмалли 2182 гектар çĕре сухаланă.