Анчах ăçта тата кам патне-ши? ПАТĂРЬЕЛĔНЧИ "Арбат" лапамĕнче нумай пулмасть çеç строительсем плиткăсене çĕнĕ брусчактăсемпе улăштарчĕç. Киввисене ăçта та пулин усă курас тĕллевпех пулĕ, тирпейлĕн çеç купаласа, çыхсах хучĕç темелле. Анчах çакскерсем кашни кунах "ураланнипе" вĕсем сахалланнăçемĕн сахалланса пыраççĕ. Хăшĕ-пĕри ăна намăса пĕлмесĕр тăр кăнтăрлах машинăпа тиесе каяççĕ иккен. Теприсем вара ку "операцие" каçхине пурнăçлама тăрăшаççĕ. Çын курасран кăштах аванмарланаççĕ пулас... Кирек мĕнле пулсан та общестăлла япалана ун пек сĕтĕрмелле мар, паллах. Намăс тĕтĕм мар, куçа кĕмест, çапах та саккун пуриншĕн те пĕр.
