Ĕçре сусăрланасси чакать

 Ĕç условийĕсемпе сыхлавĕ çинчен калакан патшалăх доклачĕпе ЧР ĕçлев министрĕ Алена Елизарова Министрсен Кабинечĕн юнкун ЧР Пуçлăхĕ Олег Николаев ертсе пынипе иртнĕ ларăвĕнче паллаштарнă. 2020 çулхи лару-тăрăва хаклакан документра ырă туртăмсене те, япăххисене те тĕплĕ тишкернĕ. Министр çынсем ĕçре сусăрланасси юлашки çулсенче чакса пынине палăртнă - тăхăр çулта 2,4 хут сахалланнă. Çапах пĕлтĕр 144 çын аманнă. Вĕсенчен 12-шĕ - вилмеллех. Сăлтавĕсем - ĕçе кирлĕ пек йĕркелеменни, çул-йĕр правилисене, хăрушсăрлăх требованийĕсене пăхăнманни, ĕçлекенсен дисциплини хавшакки.

Виçĕ этнопарк хута кайĕ

Кун пирки ЧР Пуçлăхĕ Олег Николаев пĕлтернĕ. Инвестицин пĕтĕмĕшле калăпăшĕ 2,2 млрд тенкĕ ытла, халăх валли 1100 яхăн ĕç вырăнĕ пулĕ. Вĕсене çитес çул усă курман харпăр лапамсенче çĕклеме палăртнă. Хальлĕхе пирĕн республикăра 3 индустри паркĕ ĕçлет. Вĕсем Канашра тата Шупашкарта вырнаçнă. С

 Сусăрсене алă парĕç

Чăваш Енри Çамрăксен пуçарăвĕсен центрĕ сусăрсене Пĕтĕм Раççейри "Крылья возможностей" инклюзивлă проекта хутшăнма чĕнет. Проекта 18-35 çулсенчи хавшак сывлăхлă çамрăксем тата специалистсем (алă вылявĕн чĕлхине куçаракансем, психологсемпе реабилитологсем) хутшăнаççĕ. Унта сусăр çынсене ĕçе вырнаçтарассин уйрăмлăхĕсене тишкерĕç. Сусăр çамрăксен грант конкурсне хутшăнма та май пур. Чи лайăх проектсене пурнăçа кĕртме укçа уйăрĕç.

 Пыл ярмăркки иртĕ

Чăваш пылĕн сумне ỹстерес, хурт-хăмăр тытакансене суту-илỹ тума майсем туса парас тĕллевпе республикăра пыл ярмăркки иртет. Ăна пыл Сăпасĕн кунĕнче, августăн 14-мĕшĕнче, Шупашкарти Николаев урамĕнчи 14-мĕш А çуртра йĕркелеççĕ. Хурт-хăмăр тытакансене хăйсен продукцине сутма тỹлевсĕрех вырăн уйăрса параççĕ.