Çуллахи каникул вăхăтĕнче Ыхра Çырми ял библиотекинче вăтам шкул çулĕнчи ачасем валли "Туслăхпа юлташлăх çинчен" тематика сехечĕ иртрĕ. Г.Айбетова библиотекарь малтанах çак темăпа калаçу йĕркелерĕ. Чăн-чăн юлташсем пĕр-пĕрне кирек хăçан та пулăшмаллине ăнлантарчĕ. Инкеке кĕрсе ỹксен алă тăсса памаллине палăртрĕ.

Мероприятие хутшăннисем уявсен историне пĕлчĕç. Туслăх çинчен сăвăсем вуларĕç, ваттисен каларăшĕсене аса илчĕç. Хăйсен çывăх тусĕсемпе паллаштарчĕç. Çирĕп туслăх пурнăçра кирек кама та кирлине палăртрĕç.

Ачасемшĕн туслăх пурнăçра чи хакли, кирли пулнине итлеме те кăмăллă пулчĕ. Вулавçăсене библиотекарь туслăх çинчен çырнă кĕнекесене вулама сĕнчĕ.