РАÇÇЕЙРИ пенсионерсен пĕрлĕхĕн регионти уйрăмĕ йĕркеленипе "Чечек уçланки" конкурс иртет. Ăна "Чыс та мухтав аслă ăрăва" уйăхлăха халалланă. Тивĕçлĕ канăва тухнă чечекçĕсем хушшинчи тупăшу виçĕ тапхăрпа пулĕ. Августăн 10 - 20-мĕшĕсенче ăна ял тăрăхĕсенче, августăн 20-мĕшĕнчен пуçласа сентябрĕн 10-мĕшĕччен районта, сентябрĕн 10 - 25-мĕшĕсенче республикăра йĕркелеме палăртнă. Пахчара, çурт умĕнче, кил картинче чечек çитĕнтерекенсен ĕçне пилĕк номинаципе хаклĕç: "Чи лайăх чечек çыххи", "Чечексен чи лайăх композицийĕ", "Манăн пахчари тĕлĕнтермĕш-клумба", "Чи лайăх чечек картишĕ тата пахчи", "Хирти чечексем". Хăвăрăн чун киленĕçне сăн ỹкерчĕкпе тата видеороликпа та (пĕр минутлăх) ỹкерсе яма пулать. Ыйтса пĕлмелли телефон: 89061337500.

Юхмапа Пăла тăрăхĕнчи ялсенче тивĕçлĕ канăва тухнисем хушшинче те чечек ăстисем, тавралăх илемĕшĕн тăрăшакансем сахал мар. Шанас килет, çакнашкал хастарсем Патăрьел районĕн чысне тивĕçлипе хỹтĕлĕç.