РАЙОНТИ пушар надзорĕнчен пĕлтернĕ тăрăх ĕнерхи кун тĕлне районта 36 пушара шута илнĕ. Иртнĕ çулхи çак вăхăтра пушарниксем 41 хутчен вутпа куçа-куçăн кĕрешнĕ. Иртнĕ шăматкунпа вырсарникун "01" служба сотрудникĕсем умлă-хыçлах пушара сỹн- терме кайнă. Еншикри инкек пирки вулакансене пĕлтернĕччĕ. Çĕнĕ Ахпỹртри Починкинсен хуçалăхĕнчен каçхине тухнă пушарăн сăлтавне -эксперт-специалистсем пайăрлатаççĕ. Вăл электропроводкăран тухма пултарнă теççĕ. Пушарта нумай пулмасть çеç туса пĕтернĕ çуртăн тăрри, хуралтисем çунса юрăхсăра тухнă. Юрать-ха, кил хуçисем çурт-йĕрне инкек-синкекрен страхланă.