Цифра трансформацийěн стратегине çирěплетнě

Чăваш Ен Пуçлăхě Олег Николаев Чăваш Республикин Цифра трансформацийěн стратегине çирěплетнě. Документ 2024 çулччен вăйра тăрать, унта 17 отрасльте цифра технологийěсен 128 регион тата федераци проекчěсене пурнăçа кěртессине палăртнă. Стратегие кěртнě отрасльсен шучěпе Чăваш Ен Раççей Федерацийěнче ку енěпе ăнăçлă ěçлекен виçě регион йышне лекнě. Республикăра ятарлă сайт (цифра21.рф) уçнă, унта цифра трансформацийěн проекчěсемпе паллашма пулать.

Финала икě проект тухнă

Пěтěм Раççейри IХ «ПРОФ-IТ»  регион тата муниципалитет информатизацийěн проекчěсен конкурсне пěтěмлетнě. Финала Чăваш Енри икě проект тухнă.

Çěнěлěхе ырланă

ЧР Министрсен Кабинечĕн юнкун иртнĕ ларăвĕнче çамрăксене пултарулăхри ăнтăлушăн паракан Чăваш Республикин Пуçлăхěн стипендипе çыхăннă çĕнĕлĕхе те ырланă. Унччен çак тÿлеве 30 çулчченхи çамрăксем илме пултарнă, халь ку чикке анлăлатнă — 35 çул таран.

Линейкăсем уçă сывлăшра иртĕç

«Пĕлÿ кунĕнче республикăри шкулсенче линейкăсем уçă сывлăшра иртĕç. Çумăр çăвас пулсан — шкул çуртĕнче. Анчах унта ашшĕ-амăшне кĕртмĕç», - пĕлтернĕ ятарласа йĕркеленĕ оперативлă штабăн ларăвĕнче ЧР Министрсен Кабинечĕн Председателĕн çумĕ — вĕрентÿ тата çамрăксен политикин министрĕ Алла Салаева.