ÇĔР çинче пурăннă чухне сывлăхран хакли нимĕн те çук. Ăна сутăн илеймĕн. Вăрăм ĕмĕрлĕ çынсем чи телейлисем темелле. Акă, çак кунсенче çеç Хирти Пикшикре пурăнакан Хайрикемель Сармаева ĕç ветеранне ял администрацийĕпе тăван-пĕтенĕ 95 çул тултарнă ятпа саламланă. Вăрçă вăхăтĕнче хĕрача окоп чавма та, вăрман касма та хутшăннă. Пурнăçĕ çăмăл та ансат иртмен кинемейĕн. Юбилей ячĕпе ватă çынна хисеп туса чысланăшăн, Раççей Президенчĕн, район администрацийĕн пуçлăхĕн çырăвĕпе саламланăшăн эпи карчăк çав тери савăннă, чун-чĕререн тав тунă.