СЕНТЯБРĔН 19-мĕшĕ - Пĕрлехи сасăлав кунĕ. Çак кун Туçа ял тăрăхĕнче пурăнакансемшĕн, çавăн пекех ыттисемшĕн те тепĕр паллă пулăмпа асра юласса та шанас килет. Вырсарникун Туçари çветтуй Троица ячĕпе хисепленекен чиркĕве Чăваш Енри, Шупашкарти Савватий митрополит тата Улатăрпа Пăрачкав епархийĕн Феодор епископ, çавăн пекех ытти пачăшкăсем те килеççĕ. Вĕсем литурги ирттереççĕ, çылăхсене каçарттарас текенсене те йышăнаççĕ. Çакăн валли темиçе кун типĕ тытмалли пирки çеç манмалла мар.

Кĕлле хутшăнас кăмăллисен ирхи 7 сехет те 30 минут валли чиркĕве килмелле.