АЧАСЕН ăшăлăхра, хỹтлĕхре ỹсмелле. Шел пулин те, хăш-пĕр ашшĕ-амăшĕ кун пек шухăшламасть. Çамрăк ăрăва тимлĕх уйăрас, йывăр лару-тăрăва лекнисене пулăшас тĕллевпе халăха социаллă хỹтлĕх паракан районти центрăн тата Патăрьелĕнчи тĕп больницăн специалисчĕсем пĕрле ăнăçсăр çемьесене час-часах çитсе килеççĕ. Йăха тăсакансен пурнăç условийĕпе, çиме апат, вылямалли, урок тумалли кĕтес, тăхăнма тум-тир пурри-çуккипе кăсăкланаççĕ. Нумай пулмасть вĕсем Сăкăт тата Çĕнĕ Ахпỹрт ял тăрăхĕсенче пулнă. Çул çитмен ачисене тивĕçлĕ воспитани парассишĕн, вĕрентессишĕн, вĕсен пурнăç условине лайăхлатассишĕн тăрăшман ашшĕ-амăшне асăрхаттарнă.