«Театрсемпе кинозалсене, кафе-столовăйсене прививка тутарнине çирĕплетекен QR-кодпа е коронавируспа чирлеменнине ĕнентерекен справкăпа кăна кĕртме пуçлаççĕ», _ çапла йышăннă коронавирус сарăлассине чарас енĕпе ĕçлекен оперативлă штабăн черетлĕ ларăвĕнче. ЧР Пуçлăхĕ Олег Николаев каланă тăрăх, юлашки вăхăтра коронавируспа чирлекенсен шучĕ ÿснĕ, çавăнпа больницăсенче вĕсем валли хушма 300 койка хатĕрленĕ. ОРВИпе чирлекенсен шучĕ те икĕ хут пысăкланнă. Сывлăх сыхлавĕн министрĕ Владимир Степанов пĕлтернĕ тăрăх, ОРВИпе коронавирус инфекцийĕсем пĕр вăхăтра ерсен сывлăха пушшех сиен кÿреççĕ. Хальхи вăхăтра стационарта коронавирусран 2500 çын сипленет, вĕсенчен 28 проценчĕ реанимаци уйрăмне лекнĕ. Килте медпулăшу илекенсен шучĕ 5000 е яхăн çын таран ÿснĕ. Пирĕн республикăра 318893 çын /вакцинациленмеллисен 54 проценчĕ/ прививка тутарнă, вĕсенчен 104110-шĕ - 60 çултан аслăраххисем