РФ ШĔМĕн районсем хушшинчи "Батыревский" уйрăмĕн сотрудникĕсем районти халăхпа тăтăшах банк карттисемпе усă курнă чухне мошенниксенчен шар курасран асăрханмалли пирки профилактика мероприятийĕсем ирттереççĕ, вырăнсене тухса çỹреççĕ пулин те вĕсен серепине çакланакансем ỹссе пыни пăшăрхантарать. 2021 çулхи январь-октябрь уйăхĕсенче çеç Интернет тетелĕпе усă курса тăвакан преступленисем иртнĕ çулхи çак вăхăтрипе танлаштарсан 69: ỹснĕ. Вăл шутра электронлă енчĕкрен (банк карттинчен) укçа куçарса илнĕ 17 тĕслĕхе (70: ытларах) шута илнĕ. Асăннă тапхăрта мобильлĕ çыхăнупа усă курса тунă 24 преступление шута илнĕ.