ÇЫВХАРСА килекен Çĕнĕ çултан кашни çын ыррине, çĕннине, чун валли канăçлăх кỹрекен самантсене çеç кĕтет. Тигр çулталăкĕнче çемье çавăрма шухăш тытнă çамрăксен уйрăмах ку тĕлĕшпе ĕмĕчĕсем çунатлă. Чăваш Республикинчи ЗАГС пайĕсене ку таранччен 2022 çулта пĕр сукмакпа утма кăмăл тунă 200 каччăпа хĕртен заявлени кĕни паллă. Вĕсенчен Тăван çĕршыва хỹтĕлемелли кун умĕн, февралĕн 22-мĕшĕнче Мăшăрлану керменĕнче çырăнас текенсем пушшех йышлă-мĕн. 22.02.2022 цифрăсемлĕ куна суйласа илнисем 38 мăшăр! Шел пулин те, хальлĕхе Юхмапа Пăла тăрăхĕнче çак кун çемье çавăрас текенсем тупăнман-ха.