РАЙОНТА коронавирус чирĕ малалла сарăласран асăрханас тĕллевпе вырăнсене тухса прививка тăвас ĕç малалла пырать. Çак тĕллевпе Патăрьелĕнчи тĕп больница ĕç графикне çирĕплетнĕ. Ку эрнере çеç медицина ĕçченĕсем Юхмапа Пăла тăрăхĕнчи тăхăр ялта пурăнакансене вакцина янă. Ноябрĕн 22-мĕшĕнче Тутар Сăкăтĕнче, ноябрĕн 23-25-мĕшĕсенче Туçа ял тăрăхĕнчи Туçа, Вăтаел, Кивĕ Ахпỹрт, Анат Туçа, Тутар Тимеш ялĕсенче прививка тăвас текенсен ыйтăвĕсене тивĕçтернĕ, паян Кĕçĕн Патăрьелпе Тăрăнта шурă халатлисем граждансене çак ыйтупа йышăннă, ыран Треньелĕнче пулĕç.