ШĂНКĂРТАМРА çуралса ỹснĕ Дина Юнусова хальхи вăхăтра Хусанти университетăн юридика факультетĕнче иккĕмĕш курсра вĕренет. Кунта вăл Шупашкарти 1-мĕш гимназирен ылтăн медальпе вĕренсе тухнă хыççăн çул тытнă. Пулас юрист вĕренỹре питĕ лайăх паллăпа çеç ĕлкĕрсе пынипе пĕрлех хăйĕн тавра курăмне анлăлатас тĕллевпе те тимлет. 2021 çул пуçламăшĕнче вăл Тутарстан чиперккисем хушшинче йĕркеленĕ конкурсра "Тутарстан мисĕ-2021" титула çĕнсе илнĕччĕ. Çак кунсенче çеç Дина Рамиловна тепĕр ырă хыпарпа савăнтарнă, Мускавра "Раççейри студентсен мисĕ тата мистерĕ-2021" конкурса хутшăнса "Иккĕмĕш вице-мисс-2021" тата "Мисс-интеллект" ятсене çĕнсе илнĕ.