РАЙОНТА коронавирус чирĕнчен асăрханас тĕллевпе прививка тутаракансем ялсенче те йышлăн. Çак ĕçре вырăнти çынсене çăмăллăх туса парас тĕллевпе районти тĕп больницăри шурă халатлисен мобильлĕ ушкăнĕ кашни кунах ятарлă графикпа вырăна тухса çỹрет. Çак эрнере çеç вĕсем Люляпа Ульяновкăра, Хирти Пикшикре, Именкассинче, Кĕçĕн Арапуçĕнче, Тикешре пулнă. Паян Шăхаль Выселкипе Еншикре пурăнакансен ыйтăвне тивĕçтерсе усал чиртен эмел ярĕç. Ыран Аслă Чеменпе Тури Чакăсем, Ыхра Çырмисем хăйсене коронавирусран хỹтĕлесе прививка тутарма пуçтарăнĕç.