Педагогсен професси маçтăрлăхне палăртас тĕлĕшпе гуманитари ăслăлăхĕсен енĕпе «Манăн чи лайăх урок» Раççей шайĕнчи конкурсăн регионти тапхăрĕ иртрĕ. Унта професси пĕлĕвĕ паракан организацисенчи педагогсем явăçрĕç. Конкурса 32 ĕç тăратнăччĕ. Çав шутра Патăрьелĕнчи агропромышленность техникумĕнче ĕçлекен Вера Маркова, Лариса Мальцева, Ираида Вуколова, Галина Полякова, Надежда Халдырмина та пулчĕç. Вера Алексеевна вара хăйĕн секцийĕнче пĕрремĕш вырăн йышăнчĕ.

Раççей шайĕнчи ăмăрту Мускавра декабрĕн 11-17-мĕшĕсенче дистанци мелĕпе иртет. Унта В.Маркован та хутшăнмалла пулать.

А. ИВАНОВА.