ÇУТĂ ĕмĕт-тĕллевпе кĕтекен Хĕл Мучипе Юрпике алăкран килсе шаккиччен шутлă кунсем çеç юлчĕç. Савăнăçлă уяв çывхарса килни пур çĕрте те туйăнать. Районти организаци-предприяти коллективĕ çеç мар, хăш-пĕр хастар çемьесем те çуртсен умĕсене чăрăшсем лартаççĕ, кăмăла çĕклекен тĕрлĕрен кĕлетке ăсталаççĕ тата ытти те. Çавăн пекех йăлтăр-ялтăр хатĕрсем, петардăсем, сас парса сирпĕнекен япаласем тата ыттине те туянаççĕ. Уйрăмах çамрăксем хăйсен шавлă ушкăнĕнче вĕсене сывлăшалла сирпĕтме кăмăллаççĕ. Çĕнĕ çул инкек сăлтавĕ ан пултăр тесен пиротехника хатĕрĕсене ятарлă лицензи пур сутуçăран çеç туянмалла. Услам тăвакан кашни çынран ăна илме ан тăрăшăр!