"АВАНГАРД" хаçатăн тусĕ Кĕçĕн Патăрьелĕнче пурăнакан Н. Краснов хальхинче спорт хыпарне пĕлтерес тĕллевпе мар, хăйĕн савăнăçне пайлас сăлтавпа редакцие шăнкăравларĕ. Иккĕмĕш класра вĕренекен Савелий мăнукĕ Мускаври аслă сцена çинче иртекен "Голос. Дети" кăларăма хутшăннă-мĕн. Раççейри 125 ача хушшинче вăл хăйĕн янăравлă сассипе тỹресене те тĕлĕнтернĕ.

Ватăсем улми йывăçĕнчен аякка ỹкмест теççĕ. Сăмах май каласан, мăнукĕн ашшĕ Алексей Краснов та шкулта вĕреннĕ чухнех Юхмапа Пăла тăрăхĕнче çеç мар, республикăри фестивальсене те сахал мар хутшăнса çĕнтерỹпе таврăннă. Аслашшĕ вара паян ывăлĕшĕн те, мăнукĕшĕн те чунтан савăнать.