Раççей Федерацийĕн, Чăваш Республикин тава тивĕçлĕ тренерĕ Валерий Семенович Афанасьев январĕн 17-мĕшĕнче 55 çул тултарать. Вăл Нăрваш Шăхалĕнче 1967 çулта çуралнă.

Валерий Афанасьев - велосипед спорчĕн Раççей спорт мастерĕ, Чăваш Ен чемпионĕ, ачасемпе çамрăксен Патăрьелĕнчи спорт шкулĕн воспитанникĕ. Канашри педагогика училищинчен 1984 çулта вĕренсе тухнă. Пысăк класлă 10 ытла велогонщика ăсталăха хăнăхтарнă, И.Н. Калентьеван пĕрремĕш тренерĕ пулнă. Хальхи вăхăтра районти ачасемпе çамрăксен спорт шкулĕн тренер-преподавателĕ пулса ĕçлет.

"Çулталăк кĕнекинчен".