Республикăри Хĕрарăмсен канашĕ çумĕнчи Çамрăксен палатин пĕрремĕш конференцийĕ иртнĕ. Унăн ĕçне хуласемпе районсенчи хастар çамрăк пикесем хутшăннă. Юхмапа Пăла тăрăхĕнчен вара Патăрьелĕнчи пĕрремĕш вăтам шкулти аслă вожатăй Наталия Сагунева кайнă.

Чăваш Енри Хĕрарăмсен канашĕн председателĕ Наталья Николаева конференцие хутшăнакансене обществăлла организаци ĕçĕпе, çак юхăмăн малашлăх аталанăвĕпе паллаштарнă. Нина Глотовăпа Алевтина Федорова хастарсем делегатсене канаш çăмăллăхĕсем çинчен каласа панă.

Конференци ĕçне хутшăннă çамрăксем хăйсен çитĕнĕвĕсемпе тата малашлăх тĕллевĕсемпе паллаштарнă.

 "Маншăн çак мероприяти питех те усăллă пулчĕ. Эпĕ тавра курăма анлăлатма пултартăм, хавхалану илтĕм, çынсемпе паллашрăм. Вăй-хăват кĕртнĕшĕн, çĕнĕ шухăшсем çуратма май килнишĕн тавах",- палăртнă Наталия Сагунева

А. ИВАНОВА